अमेरिका जाँदा कलाकार सागर लम्साल बले ले ब ला!त्का!र गरेका आरोप

 

कलाकार सागर लम्सालमाथि बलात्कारको आरोप लागेको छ । अमेरिकामा रहँदै आएकी एक युवतीले उनीमाथि बलात्कारको आरोप लगाएकी हुन् ।  पीडित युवतीले एक वर्ष अगाडी कार्यक्रमको सिलसिलामा अमेरिका आएका लम्सालले आफूमाथि बलात्कार गरेको बताएकी छिन् । 

घटनाबारे प्रस्ट पार्दै उनले भनेकी छिन्– 'कुराकानी हुँदै जाँदा सागर लम्सालले “तिमी बसेको ठाउँ हेरौँ न त” भन्नुभयो। मैले १० वर्षभन्दा बढी समयदेखि चिन्ने, दाइ मानेको मान्छेलाई विश्वास गरेर आफ्नो अपार्टमेन्ट देखाउन लगेँ। अपार्टमेन्टमा बसेर कुरा गर्दा मेरो स्वास्थ्यको कुरा निस्कियो। मैले आफ्नो संघर्ष सबै साझा गरेँ—रोएँ, भनेँ, कति गाह्रो भइरहेको छ भनेर। मलाई थाहा थिएन, जसलाई म दाइ मान्थेँ र हाम्रो परिवारले आफ्नै जस्तो ठान्थ्यो, त्यो मानिस त एउटा राक्षस रहेछ। म बलात्कृत भएँ।'

उनी थप भन्छिन्– 'जति आशा बाँकी थियो, जति शक्ति बाँकी थियो, सबै हरायो। मेरो आवाज निस्किएन। म चिच्याउन चाहन्थेँ, आफ्नो परिवारलाई भन्न चाहन्थेँ, तर त्यस्तो अवस्थामा पनि केही भनेँ भने मेरो परिवार टुट्छ कि भन्ने डर लाग्यो।'

उनले ‘कसैको जिन्दगी बर्बाद गरेर बाँच्दा कस्तो महसुस हुन्छ ?’ भन्दै सामाजिक सञ्जालमै लम्सालमाथि प्रश्न गरेकी छन् । साथै, उनले परिवारमा असर पर्ने डरले तत्काल कुरा बाहिर ल्याउन नसकेको पनि उल्लेख गरेकी छन् ।

कलाकार लम्साल भद्रगोल, सक्किगोनी लगायतका चर्चित टेलिभिजन सिरियलमार्फत दर्शकमाझ लोकप्रिय छन् । उनले लाज शरणम चलचित्रमा पनि अभिनय गरेका छन् । यस विषयमा कलाकार लम्सालले भने हालसम्म कुनै सार्वजनिक प्रतिक्रिया दिएका छैनन् ।

पीडित युवतीले भनेकी छिन्– 'यो घटनाले मलाई हरेक दिन भित्रभित्रै खाइरहेको छ। राम्रोसँग सास फेर्न सक्दिनँ, खान सक्दिनँ, लाग्छ म एउटा जीवित लासजस्तै भएकी छु। र त्यो राक्षस आफ्नो घर फर्केर खुलेआम बाँचिरहेको छ।'

आज अलि हिम्मत आयो र यो लेखेँ। मलाई थाहा छ, मैले न्याय पाउँदिनँ, र अब लड्ने हिम्मत पनि छैन। तर जसले मसँग यस्तो गलत गर्‍यो, उसले आफ्नो कर्मको परिणाम भोग्नै पर्छ। भविष्यमा उसले अरू कसैसँग यस्तो गर्न नपाओस्।

उनले आफू सानैदेखि डिप्रेसन र एन्क्साइटीसँग संघर्ष गरिरहेको पनि उल्लेख गरेकी छिन् । 

यस्तो छ बलेमाथि लागेको आरोपः

डिजिटल सरोकारको एप्लिकेसन डाउनलोड गर्न यहाँ क्लिक गर्नुहोस् । अब बन्छ तपाईँको लाइफ सजिलो अनि छरितो।